Davlat shifoxonalari: homilador ayollarga g‘amxo‘rlik qilish va tug‘ruq jarayoni

Asosiy jihatlar
• Homiladorlarga g‘amxo‘rlik qilish va tug‘ruq jarayoni uchun davlat shifoxonalari xavfsiz hamda munosib tanlovdir.
• Davlat shifoxonalarida homiladorlikda va tug‘ruq jarayonida doyalar ayollarga g‘amxo‘rlik qilishadi. Jiddiy holat yuzaga kelganida esa shifokorlar ayollarga kerakli yordamni ko‘rsatadilar.
• Aksariyat ayollar tabiiy yo‘l bilan tug‘ganlaridan keyin 1-2 kun va kesarcha kesish amaliyotini boshidan kechirganlar 3-5 kun o‘tib shifoxonadan chiqadilar.
• Davlat shifoxonasida tug‘ruq jarayoni xususiy shifoxonalarga nisbatan arzonroq bo‘ladi.

Davlat shifoxonalarida tug‘ruq jarayoni haqida

Davlat shifoxonalari xususiy tashkilotlar boshqaradigan xususiy shifoxonalardan farqli ravishda hukumat tomonidan boshqariladi. Davlat shifoxonalarida homiladorlik va tug‘ruq jarayonida ko‘rsatiladigan xizmatlar asosan bepul taqdim etiladi.
Davlat shifoxonalari tug‘ruq bilan bog‘liq afzal jihatlar va xizmatlarni taqdim qiladi. Ularda homiladorlarga xizmat ko‘rsatish, tug‘ruq va yosh onalarga g‘amxo‘rlik qilish bilan bog‘liq xavfsiz, qulay narxdagi va sifatli shart-sharoitlar yaratilgan. Davlat shifoxonalaridagi muhit tug‘ish markazlari yoki uyda tug‘ish tizimidan ko‘ra qulayroq bo‘ladi.
Agar siz farzandingizni davlat shifoxonasida dunyoga keltirmoqchi bo‘lsangiz, homiladorlik davringizda turli doyalar va shifokorlarni ko‘rishingiz mumkin. Ba’zi ayollar uchun buning ahamiyati yo‘q, ammo ba’zilar doim bir shifokorga ko‘rinishni istashadi.
Davlat shifoxonalari barcha ayollarga, jumladan homiladorligi xavf ostida bo‘lgan ayollarga ham mos keladi. Shaxarlarda joylashgan katta davlat shifoxonalarida tug‘ruq jarayoni asoratli bo‘lgan onalar va go‘daklar uchun g‘amxo‘rlik qilish imkoniyati mavjud.
Aksariyat ayollar farzandlarini davlat shifoxonalarida dunyoga keltiradilar.

Davlat shifoxonasida ro‘yxatdan o‘tish

Agar homilador bo‘lganingiz to‘g‘risida shubhangiz bo‘lsa iloji boricha tezroq ayollar maslahatchisiga murojaat qiling va u sizga homiladorlik bilan bog‘liq g‘amxo‘rlik qilishni boshlaydi.
Yashaydigan joyingiz, salomatlik va homiladorlik tarixingizga qarab bir nechta davlat shifoxonasiga murojaat qilish imkoniyatiga ega bo‘lasiz. Shifokoringiz bu haqda siz bilan maslahatlashib, ulardan biriga yo‘llanma beradi. Bu odatda sizning uyingizga eng yaqin shifoxona bo‘lishi mumkin. Ba’zi shifoxonalar talab katta bo‘lgani uchun faqat o‘zi joylashgan hudud aholisiga xizmat ko‘rsatadi.
Shifokoringiz bilan birinchi uchrashuvingizdan so‘ng birinchi marta ko‘rikka borish uchun ro‘yxatga yozishlarini so‘rab klinik shifoxonaga qo‘ng‘iroq qilishingiz kerak. Bu borada oila a’zolaringiz, do‘stlaringiz, mahalliy tibbiyot xodimlaridan yordam olishingiz mumkin.

Davlat shifoxonalarida homiladorlarga g‘amxo‘rlik qilish usullari

Davlat shifoxonasi tizimida homiladorlarga g‘amxo‘rlik qilishning turli usullarini ko‘rishingiz mumkin:
• Klinik xizmat
• Doyalar klinikasi
• Umumiy g‘amxo‘rlik
• Doyalar guruhi amaliyoti
• Doyalar yordam brigadasi.
Qaysi usulni tanlashingizga qarab sizga kim va qayerda g‘amxo‘rlik qilishi belgilanadi.
Sizning holatingizda sog‘lig‘ingiz va sizga yaqin shifoxona sharoitlaridan kelib chiqib ba’zi usullar mavjud bo‘lmasligi mumkin. Yana ba’zi usullarni buyurtma qilish imkoni bo‘lmaydi.
Bu borada homiladorlikning ilk davrlarida shifkoringiz yoki ayollar maslahatchisi bilan maslahatlashib olganingiz ma’qul.
Klinik xizmat
Qaysi shifoxonaga qarashli ekaningizga ko‘ra sizga davlat shifoxonasida yoki yashash joyingizda ambulator g‘amxo‘rlik ko‘rsatiladi. Siz tug‘ruq uchun va tug‘ruqdan keyingi muolajalar uchun ayni shifoxonaga borasiz. Har borganingizda turli shifokor va doyalarga uchrashingiz mumkin bo‘ladi.
Doyalar klinikasi
Sizga davlat shifoxonasining doyalar klinikasida homiladorlik bo‘yicha xizmat ko‘rsatiladi. Bunday klinikalarda homiladorligi yaxshi o‘tayotgan va homiladorligi xavf ostida bo‘lgan ayollarga xizmat ko‘rsatiladi. Biron muammo tug‘iladigan bo‘lsa shifoxona doktorlariga murojaat qilinadi. Homiladorlik davringizda bir yoki bir necha doyani tanib olasiz. Tug‘ruq jarayonida sizga navbatchilik qilayotgan doya va shifokorlar g‘amxo‘rlik qiladilar. Farzandingiz tug‘ilganidan so‘ng sizga tug‘ruqdan keyingi parvarish bo‘limi xodimlari g‘amxo‘rlik qilishadi. Agar siz tug‘ruqdan keyin 48 soat ichida uyingizga ketadigan bo‘lsangiz, ba’zi shifoxonalar uyingizga tibbiyot xodimini yuborishi mumkin.
Umumiy g‘amxo‘rlik
Umumiy g‘amxo‘rlik bu hududiy shifokor va tug‘ruqxona yoki boshqa tug‘ruq tashkiloti o‘rtasidagi kelishuvdir. Siz homiladorlikning qanday o‘tayotganini bilish uchun asosan hududiy shifokoringizning ko‘rigiga borasiz va homiladorlikning boshlang‘ich hamda so‘nggi pallalarida shifoxonaga ham ko‘rik uchun borasiz.
Ba’zi ayollar bu holatdan mamnunlar, chunki ular hududiy shifokorni yaxshiroq taniydilar, shifokor ularning kasallik tarixidan yaxshi xabardor bo‘ladi va odatda ularning uyiga tashrif buyurib turadi.
Siz shuningdek tug‘ruq tashkiloti yoki doya kabi boshqa tibbiyot mutaxassislari bilan tuziladigan kelishuvdan ham foydalanishingiz mumkin, ammo bu hududiy shifokor bilan bo‘lgani kabi qulay bo‘lmaydi.
Doyalar guruhi amaliyoti
Bu davlat shifoxonasi doyalari sizga homiladorlik, tug‘ruq va farzandingiz tug‘ilganining ilk kunlarida g‘amxo‘rlik qilish tizimi. Asosiy doya deb tayinlangan bir doya sizga ko‘rsatilayotgan parvarishni nazorat qiladi. Homiladorlik vaqtidagi tashriflaringiz shifoxonada yoki mahalliy tibbiyot muassasasida bo‘lishi mumkin. Doyalar guruhi amaliyoti asosan shahar joylarda mavjud bo‘ladi.
Bu holatda siz tug‘ruq bilan bog‘liq rejalaringiz o‘zgaradigan bo‘lsa ham, masalan jarrohlik amaliyoti bilan farzand dunyoga keltiradigan bo‘lsangiz ham, homiladorlik vaqtingizda doyalar bilan tanishishingiz mumkin bo‘ladi. Doyalar bilan tanishib olganingiz tug‘ruq vaqtida yoki farzand dunyoga keltirganingizning ilk kunlarida ularning sizga g‘amxo‘rlik ko‘rsatishlarida o‘z foydasini beradi. Bunga “davomli g‘amxo‘rlik” deyiladi. Boshqa foydalar ham bor bo‘lib, misol sifatida bolani emizishning yaxshi tashkil qilinishi va tug‘ruq jarayonida kamroq sun’iy ta’sirlarni qo‘llanishini keltirish mumkin.

Doyalar yordam brigadasi
Doyalar yordam brigadasi doyalar guruhiga o‘xshab ketadi. Ammo tug‘ruq vaqtida va farzandingiz tug‘ilgach sizga bir asosiy doya emas, sakkiz doyadan iborat brigada g‘amxo‘rlik qiladi. Doyalar brigadasi ham asosan shaharlarda xizmat ko‘rsatadi.

Tug‘ruq yaqinlashganida

Tug‘ruq yaqinlashayotganini his qilishingiz bilan davlat shifoxonasiga qo‘ng‘iroq qiling. Tug‘ruq bo‘limi doyalari sizga nima bo‘layotganini tushuntirishadi va shifoxonaga qachon borish to‘g‘ri ekanin aytishadi.
Shifoxonaga borganingizda doyalar sizga g‘amxo‘rlik qiladilar. Agar biron muammo yuzaga kelsa shifokor muolaja yoki jarrohlik amaliyoti vositasida sizga yordam ko‘rsatadi.
Odatda farzandini tabiiy yo‘l bilan dunyoga keltirgan ayollar 1-2 kun va jarrohlik amaliyoti bilan dunyoga keltirgan ayollar 3-5 kun shifoxonada qoladilar. Ammo agar sizning va farzandingizning ahvoli yaxshi bo‘lsa va uyga ketishni istasangiz shifoxonada 24 soatgina qolishingiz mumkin.
Bunday holatda sizdan va farzandingizdan xabar olish uchun uyingizga tibbiyot vakili tashrif buyurishi mumkin.

Davlat shifoxonalaridagi tug‘ruq muhiti

Davlat shifoxonalarida havo kondisioneriga ega, vannaxona va dush yoki vannaning o‘zi mavjud bo‘lgan tug‘ruq zallari mavjud. Shuningdek, u yerda homiladorlar uchun maxsus koptoklar, isitish grelkasi, tokda ishlaydigan moyli grelka va boshqa qurilmalar ham bo‘lishi mumkin.
Ko‘plab davlat shifoxonalarida tug‘ish uchun maxsus suv xavzalari ham bo‘ladi.
Davlat shifoxonalarining tug‘ruq komplekslari (siz shifoxonada farzandingiz bilan yotadigan qism) bir, ikki kishilik yoki ikki alohida bo‘lmaga ega, bir vannali yoki alohida vannali xonalarga ega bo‘ladi. Sharoitingizga qarab alohida xona yoki ikki kishilik yotoqqa ega bo‘lishingiz mumkin.
Davlat shifoxonalarining tug‘ruq kompleksida quyidagilar ham bo‘lishi mumkin:
• Televizorlar (qo‘shimcha to‘lov evaziga)
• Telefonlar (qo‘shimcha to‘lov evaziga)
• Kichik oshxona.
Umr yo‘ldoshingiz yoki oilangiz a’zosi siz bilan qolishi ham mumkin.

Tug‘ruq asoratlari: davlat shifoxonalarida qanday choralar ko‘riladi.

Ko‘pchilik davlat shifoxonalari erta tug‘ish kabi jiddiy muammolarga qarshi chora ko‘rish imkoniyatiga ega bo‘ladi. Ammo agar sizning chaqalog‘ingiz juda erta (32 haftadan avval) tug‘ilsa intensiv neonatal g‘amxo‘rlik ko‘rsatadigan maxsus shifoxonaga borishingizga to‘g‘ri keladi.
Ba’zi hollarda asoratli o‘tgan tug‘ruqdan so‘ng siz uyingizga qaytishingiz mumkin bo‘ladi, ammo farzandingiz intensiv neonatal g‘amxo‘rlik uchun shifoxonada qolishi mumkin.
Agar siz shahar tashqarisida yashasangiz va farzandingiz neonatal parvarish uchun shifoxonada qolishi kerak bo‘lsa, siz bunday xizmat uchun shaharga borishingiz kerak bo‘ladi. Ko‘pchilik hududiy shifoxonalarda maxsus parvarish xizmati mavjud bo‘ladi. Bolangizning ahvoli yaxshilangach o‘zingizning mahalliy shifoxonangizga yoki uyingizga ketishingiz mumkin bo‘ladi.

Xususiy shifoxonalarda farzand dunyoga keltirganda to‘lanadigan haq

Davlat shifoxonasida farzand dunyoga keltirsangiz quyidagicha to‘lovlarga duch kelishingiz mumkin:
• Agar siz ikki tomonlama g‘amxo‘rlik usulidan foydalansangiz yoki qishloqda yashasangiz sizga asosan hududiy shifokor g‘amxo‘rlik qiladi. Ba’zi hududiy shifokorlar o‘rtacha hisobni belgilaydilar.
• Ba’zida homiladorlikni aniqlash uchun o‘tkaziladigan tekshiruv va ultratovush skrining tekshiruvi uchun ham haq to‘lashingiz kerak bo‘ladi.
• Tug‘ruq sinflari ham to‘lov evaziga bo‘lishi mumkin.
• Narxlar to‘g‘risida doya yoki shifokor bilan gaplashib oling.

Sizga davlat shifoxonasida xususiy xizmat ko‘rsatishlari ham mumkin. Buning uchun qo‘shimcha to‘lovni amalga oshirishingiz kerak bo‘ladi. Agar istasangiz davlat shifoxonasiga qo‘ng‘iroq qilb bu borada ma’lumot olishingiz va xususiy xizmat ko‘rsatuvchi xodim bilan suhbatlashishingiz mumkin.
Davlat shifoxonalaridagi tug‘ruq bilan bog‘liq boshqa jihatlar

Agar siz davlat shifoxonasida farzand dunyoga keltirmoqchi bo‘lsangiz, quyidagi jihatlarni ham hisobga olishingiz kerak bo‘ladi:

• Shifoxonaning xizmat ko‘rsatishga qanday yondoshishi, oila a’zorlari va tashrif buyuruvchilarga bo‘lgan munosabat
• Tug‘ruq vaqtida va tug‘ruqdan keyin foydalanish mumkin bo‘lgan shart-sharoitlar va xizmatlar.
Agar qishloq joyda yashasangiz kattaroq hududiy shifoxonaga borishingizga to‘g‘ri kelishini ham nazardan qochirmang.
Mavjud imkoniyatlar haqida bilish va ular borasida doya yoki shifokor bilan maslahatlashish sizga o‘zingizni tayyor ekaningizni his qilishingiz va homiladorlik hamda tug‘ruq borasida o‘ylaganda o‘zingizni baxtiyor sezishingizga yordam beradi.

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi