Chaqaloq va uning yig’lashi

Asosiy jihatlar

•  Yig’lash barcha chaqaloqlar uchun xosdir
•  Agar farzandingiz yig’lasa, uning betob emasligiga, og’riq hamda noqulaylik sezmayotganligiga ishonch hosil qiling.
• Kuylash, choyshabga oʻrab olib ko’tarish, yengil massaj qilish, issiq vanna yig’layotgan bolani tinchlantirishi mumkin.
• Ovutish qoʻlingizdan kelmasa, darxol tibbiyot mutaxassislariga murojaat qiling.

Chaqaloqlarda kuzatiladigan yigʻi haqida

Har bir chaqaloq tabiatan yigʻlab dunyoga keladi.  Yigʻlash chaqaloqning  siz bilan yagona aloqa oʻrnatish usuli hisoblanadi. Odatda chaqaloq noqulaylik, ochlik hamda og’riq his qilganda yoki charchab uyquga tayyor ekanligini bildirish uchun ham yigʻlaydi.

Ammo afsuski, har doim ham yigʻlayotgan bolaga nima kerakligini tushuna olmaysiz. Shuning uchun, dastavval, unda kasallik hamda ogʻriq kuzatilmayotganligiga amin boʻlib oling. Agar ikkilanyotgan boʻlsangiz, zudlik bilan sizga belgilangan oila sogʻliqni saqlash markazi hamshirasiga murojaat qiling.

Bolaning yigʻlashi hamda bezovtalanishidan nimani payqash mumkin?

Odatda, sogʻlom chaqaloq kuniga oʻrtacha 3 soat yigʻlaydi. Shuningdek, har o’nta boladan bittasi bundanda koʻp vaqtini yigʻlab oʻtkazishi ham mumkin.

Yigʻi hamda bezovtalik odatda 6-8-haftaliklarda yuqori koʻrsatkichlarda boʻlishi mumkin. Xavotirga oʻrin yoʻq, bola ulgʻaygan sari bu koʻrsatkich kamayib borishi ta’biy.

Shuningdek, 8 oylikdan kichik chaqaloqlar ham tushlik hamda kechga yaqin vaqt oraligʻida yigʻlashga moyilligi boʻladi. Baʼzan bu holat baʼzi chaqaloqlarda 5 oylikdan soʻng oʻtib ketishi ham mumkin.

Bola oʻsib borgan sari, uning yigʻisini butun kun davomida payqashingiz mumkin. Yaʼni u sizga ehtiyojlari haqida yigʻi bilan tushuntirishga harakat qiladi.

Chaqaloq yigʻlashi hamda bezovtalanishiga qarshi qaysi samarali usullardan foydalanish maqsadga muvofiq?

Farzandingiz ochlik, noqulaylik his qilayotganligini aniqlashtirib olgach, unga nima kerakligini bilishingiz qiyin boʻlmaydi: ya’ni agar ochlik boʻlsa, qornini toʻqlasangiz yoki noqulaylik his qilsa, tagligini almashtirsangiz tinchlanishi mumkin.

Quyida farzandingiz yigʻlasa, qanday qilib uning ehtiyojlarini bilib olishingiz uchun baʼzi foydali maslahatlar eslatib oʻtilgan. Bu maslahatlarning baʼzilari kunning har qanday qismida yigʻlashi mumkin boʻlgan chaqaloqlar va ularning onalari  uchun toʻgʻri yoʻl-yo’riq koʻrsatadi. Turli vaziyatlarda turli xil usullardan foydalanib koʻrishingiz lozim. Yaʼni asta-sekin ona sifatida farzandingizga nima zarurligini  tajriba asosida bilib borasiz.

Chaqaloqni qoʻlda koʻtargan holda ovuting

•  Baʼzan chaqaloqni koʻtarish va u ona taftini his etishi bezovtalikdan xalos boʻlishida asosiy omil boʻlib xizmat qiladi.
• Mashinada yoki shunchaki piyoda yengil sayrga chiqing. Qanchalik koʻp harakatda boʻlsangiz, nafaqat uni bezovtalikdan olib chiqasiz, balki  oʻzini tez charchagan his qiladi va albatta koʻp uxlashga tayyor boʻlib qoladi. Zinhor farzandingizni garchi uxlayotgan boʻlsa ham,  bolalar aravachasida bir oʻzini qoldirmang!

Farzandingizni tinchlantirib borish usullari

•  Chaqaloq uchun  issiq vanna juda yaxshi va samarali usullardan biri hisoblanadi
•  Bolalar uchun maxsus yengil massaj turlarini sinab koʻring. Bunda siz ham oʻzingizni yengil his etishingiz mumkin. Bu oʻz navbatida siz va farzandingiz oʻrtalaringizdagi munosabatni yanada mustahkamlaydi. Siz uchun belgilangan mahsus pediatr shifokor yoki oila salomatligi markazi mutaxassislaridan biri sizga toʻgʻri massaj qilish usullarini oʻrgatib borishadi.

Bolani tinchlantirish va bosqichma-bosqich uyquga tayyorlab borish

• Kun tartibingizga chaqalogʻingizni oziqlanishi va uyquga ketish vaqtlarini aniq kiritib oling.
• Chaqaloqni choyshabga oʻrab olish u oʻzini xavfsiz his qilishiga yordam beradi.
• Bolani oʻrniga yotqizgach, u yaxshi va uzoq vaqt orom olib uxlashi uchun yonbosh yotgan holda, bel qismiga  yengil urib, sokin alla aytishingiz mumkin.
• Bola baʼzan qorni och boʻlmasa-da nimadir soʻrib yotishga moyilligi boʻladi. Agar farzandingiz 3-4 oylikdan kattaroq boʻlsa, rezina so’rg’ichlardan foydalanishingiz mumkin.
• Har doim chaqaloqqa va uning atrofida yengil va yoqimli ovozda gapiring, tinchlanishi uchun yoqimli qoʻshiqlar kuylab hatto raqsga tushib bering. Bundan tashqari, sokin qoʻshiqlar uchun ham radio yoki telefondan ham foydalanishingiz mumkin.
• Xonaning tinch boʻlishi uning ham tinch va bexavotir uxlashiga yordam beradi.

Hissiyotlaringizni nazorat qila biling.

Bolaning yigʻisi sizga ruhan azob berayotgan boʻlishi mumkin. Bunday vaziyatda, siz barchasini oʻz vaqtida hamda tartib asosida bajarayotganingizga oʻzingizni ishontiring va shu orqali tinchlanib boring. Axir onasiz, farzandingiz uchun qoʻlingizdan kelgan barcha imkoniyatlarni topa olasiz.

Chaqaloq yig’layotganida oʻzingizni nazorat qila biling va ruhan tinchlanib oling

Chaqaloq yigʻlasa, dastavval oʻzingizga e’tibor berishingiz juda muhimdir. Hech boʻlmaganda, 5 minut mobaynida kitob oʻqing, yoki toza havoda yengil sayr qiling. Yoki shunchaki tinch xonada meditatsiya bilan shugʻullanib oʻzingizni nazorat ostiga oling. Bu albatta oʻz navbatida oʻzingizni asabiy yoki havotirlangan his etganingizda,  psixologik tinchlanib olishingiz uchun kichik tanaffus boʻladi. Bu vaqtda yaqin insoningizdan yoki turmush oʻrtogʻingizdan chaqaloqni koʻtarib ovutib turishini iltimos qiling.

Boshqalar tomonidan qoʻllab quvvatlanib turishingiz sizni tezroq tinchlanib olishingizga yordam beradi. Bu nafaqat sizning salomatligingizga,  balki oila a’zolaringiz bexavotir boʻlishlari uchun ham juda muhimdir. Bu kabi yordamlarni oila salomatligi markazi mutaxassislaridan olishingiz mumkin. Ular beradigan har bir maslahatni etiborsiz qoldirmang.