Bolaga ovqat yedirish

Bolaga ovqat yedirayotganingizda hech qachon zo’rlamang. Bolaning o’z xohishi bilan yegan ovqati unga zo’rlab yedirilgan ovqatdan ko’ra ko’proq foyda keltiradi. Onalar bolaga ovqat yedirishda biroz ayyor bo’lishlari lozim.

1. Bolani ovqatga qiziqtiring.

Buni amalga oshirishning eng oson usuli patnisga rang-barang taomlardan chiroyli qilib terib, bola oldiga qo’yishdir. U o’z xohishi bilan tanlay olishidan xursand bo’lib taomga cho’ziladi. Patnisga terib qo’yiladigan taomlar quyidagicha bo’lishi mumkin:

• Avokadodan qayiqlar;
• Pishloq kubiklari;
• Bananli g’ildiraklar;
• Sabzavotlardan yasalgan daraxt;
• Boshoqli ovqatdan yasalgan uzukchalar, koptokchalar va hokazo;
• Olmali oymomo;
• Tuxumdan yasalgan qayiqchalar;
• Turli shakldagi rang-barang makaron mahsulotlari.

Bunday patnisni bola stuliga qo’ysangiz, kun mobaynida bola o’ynab yurib, ochlikni his qilganida patnis oldiga kelib xohlagan taomidan iste’mol qiladi.
Bola patnisni ag’darib yuborayotgan bo’lsa, demak, bunday ovqatlanish unga hali erta. Agar patnisga qiziqishi uyg’onmasa, u holda patnisdan siz ham ishtiyoq bilan taomlardan tating, sizga ergashib bola ham ovqatlanadi.

Bolaga og’zida luqma bor holda chopib yoki sakrab yurishni ta’qiqlang. Qattiq qaqalib qolishi mumkin!!!

2. Taomga maza bering.

Bir yoshdan 2 yoshgacha bo’lgan davrda bolalar narsani suyuqlikka botirishni xush ko’radilar. Agar bolangiz qaynatilgan sabzavotlarni yeyishdan bosh tortsa, unda sabzavotlarni maxsus tayyorlangan souslarga botirib yeyishni ko’rsating.

Souslar:

• guakamole-avokadodan tayyorlangan sous;
• pishloq sousi;
• yogurt;
• tofudan tayyorlangan sous;
• mevali pyurelar.

3. Ovqat yeyish oson bo’lishini ta’minlang.

Bolani og’zi hali juda kichik bo’lib ovqat chaynash funksiyasi yaxshi rivojlanmagan bo’ladi. Shuni inobatga olgan holda, ovqat mahsulotlarini kichik qismlarga to’g’rab, go’shtli mahsulotlarni pashtet shaklida berib, pishloq kabi mahsulotlarni yumshatib bersangiz bolaga yeyish oson bo’ladi.

4. Ayrim mahsulotlarni yedirish juda qiyin bo’lsa u holda ichiring.

Masalan, sabzavotli sharbatlar, yogurtdan tayyorlangan mazali kokteyllar, mevali sharbatlarni ichirishingiz mumkin. Bolaga chiroyli idishda trubochkadan ichishni taklif qilsangiz yo’q deyolmasa kerak.

5. Ovqat kamroq ko’rinsin.

Bolaning oldiga likopchada to’la ovqat qo’yib uni cho’chitmang. Undan ko’ra ozginadan oldiga qo’yib, tez-tez olib keling. Ko’p ovqatni ko’rgan bola hammasini yeyish kerak ekan, deb, boshidanoq uni ist’emol qilishdan bosh tortadi.

Manba

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi