Yosh chaqaloqlar va yurishni o’rganayotgan bolalarning issiq vanna qabul qilishdagi qo’rquvi

Asosiy jihatlar:

• Yangi tugʻilgan chaqaloqlarning suvni xohlamasligi ta’biy.
•  Chaqaloqni xavfsizligini taʼminlash uchun  asta-sekin suv bilan tanishtirib boring. Shu orqali keyinchalik bola suvdan zavq olishi ham mumkin.
• Yoshi kattalar bolaning  vanna qabul qilishi mobaynida ularga har tomonlama masʼul boʻlishlari lozim.

Nega bola issiq vanna qabul qilishdan qoʻrqadi?

Yangi tugʻilgan chaqaloq oʻzlarini nazoratdan tashqarida his qilishlari mumkin.  Yoshi katta boʻlib qolgan hamda yurishni oʻrganayotgan bolalar suv ostida yoki tashqari muhitdagi shovqinlardan vahimaga tushishlari mumkin. Ular sochlari ho’l boʻlishini va sovun ko’piklarining koʻzga kirishini xohlashmaydi, holos.

Vanna qabul qilish davomidagi qoʻrquvni nazorat ostiga olish

Bola suvdan juda qo’rqayotgan boʻlsa, qo’rquvini jiddiy qabul qilib, uni cho’milishga majbur qilmaslik darkor. Uning oʻrniga, imkon qadar,  farzandingizga qulaylik yarating. Dastavval, yuzini yuvib suvga oʻrgatib borish maqsadga muvofiq.

Qachon vanna qabul qilish kerakligini aniqlashtirib olish bolalar uchun  juda muhim hisoblanadi. Choʻmiltirish arafasida yoki unda soʻng  turli maxsus qoʻshiqlar kuylab bering. Choʻmilish qoʻshiq kuylab, raqsga tushishning bir qismi sifatida ruhan tayyorlab  boring.

Yangi tugʻilgan chaqaloqlarning issiq vanna qabul qilishlari uchun maslahatlar

Quyida yangi tugʻilgan chaqaloq uchun toʻgʻri usulda vanna qabul qilishlari uchun bir qancha turdagi maslahatlar eslatib oʻtilgan:

• bolaning  choʻmilishi uchun kichik hajmdagi choʻmilish vositasidan foydalanishingiz uni koʻproq oʻzini qulay va xavfsiz his qilishini taʼminlaydi.
• suv haroratiga diqqat bilan eʼtibor bering
• vanna qabul qilish mobaynida bolangizdan koʻzingizni uzmang.
• nima sodir boʻlayotganligi borasida farzandingiz bilan muloqot qiling.

Yurishni oʻrganayotgan bolalarning issiq vanna qabul qilishlari uchun maslahatlar

• Suvni sekin-astalik bilan tanishtiring. Masalan, bolani bo’sh vanna  ichiga solib,  oz-ozdan suv quyib borsangiz boʻladi.
• Bundan tashqari, siz ham u bilan birgalikda suvda boʻlgan holda, oyoqlaringiz orasiga farzandingizni qoʻyib oling. Bunda u suv ichida oʻzini xavfsiz his qilishida muhim oʻrin tutadi.
• Yuvinish xonasida yuz berishi mumkin boʻlgan turli shovqinlardan ehtiyot boʻling, chunki bu baʼzi bolalar uchun qoʻrqinchli tuyulishi mumkin va albatta, ularga yomon taʼsir koʻrsatadi.
• Agar bola shampun yoki sovundan hadiksirayotgan boʻlsa, bola koʻzlari sovun koʻpriklaridan asrash uchun turli vositalardan masalan, himoya ko’zoynagidan foydalanishingiz mumkin. Bu albatta bolaning koʻziga zarar keltirishni oldini oladi.

Hammom vaqtini qiziqarli qilish uchun g’oyalar

Turli gʻoyalar oʻylab topib, chaqalogʻingizni suvdan rohatlanib choʻmilishida yordam berishingiz mumkin.

• Choʻmilish mobaynida turli oʻyinchoqlardan foydalaning. Farzandingizni oʻz xohishi bilan oʻyinchoq tanlashiga imkon bering.
• Shuningdek, chaqalogʻingizni yoshi biroz katta farzandingiz bilan birgalikda suvda oʻynashlari ham mumkin. Masalan, u farzandingiz endi yurishni oʻrgangan yoki bog’cha tarbiyalanuvchisi boʻlsa juda yaxshi. Bunda aka-uka hech qanday qoʻrquvlarsiz birgalikda suvdan rohatlanib choʻmilishlari mumkin.
• Farzandingiz vanna qabul qilishi uchun alohida vaqt ajrating. Jarayon mobaynida, bolaga qoʻshiq kuylab bering, hikoya yoki ertak soʻylang yoki birgalikda oʻyin oʻynab boring.
• Bu vaqt davomida, bola oʻyinchoq yoki qoʻgʻirchoqni choʻmilishning bir qismi deb hisoblab, yanada suvga oʻrganib, qiziqib qoladi.
• tanani namlantiruvchi turli foydali kremlardan foydalansangiz, farzandingiz yoshlikdan xuddi shunday kremlar tufayli vanna qabul qilishga koʻnikib qoladi. Bundan tashqari, farzandingiz yoqtirishi mumkin boʻlgan, turli tanaga xushboʻy hid beruvchi mahsulotlarni ham sinab koʻring.
• Bolaning vanna qabul qilishi uchun qulay vaqtni aniqlashtirib oling. Baʼzi bolalar ertalab ya’ni charchamagan , tetik holatda choʻmilishni xohlashadi.