Yangi tugʻilgan chaqaloqni choʻmiltirish

Asosiy jihatlar:

Yangi tugʻilgan chaqaloqni haftasiga 2-3 marta choʻmiltirib turish lozim.
Choʻmiltirishdan oldin barcha kerakli buyumlarni olganingizga ishonch hosil qiling.
Sovun ishlatmagan holda iliq suvga yuvintiring.
Yuvinish xonasida bolani zinhor yolgʻiz qoldirmang. Sayoz suvda ham bola choʻkishi mumkin. Hali yetarli darajada oʻzini tuta olmaydi.

Yangi tugʻilgan chaqaloqni qancha muddatda choʻmiltirish maqsadga muvofiq?

Yangi tugʻilgan chaqaloqni haftasiga 2-3 marta choʻmiltirish yetarli. Ammo, farzandingiz suvdan qoʻrqmasa, aksincha yoshlikdan yaxshi koʻrsa, uni har kuni maʼlum bir vaqt davomida choʻmiltirishingiz mumkin. Shu bilan birgalikda, eslatib oʻtamiz, bolaning me’yordan ortiq suvga tushishi terisini quruqlatib yuborishi mumkin.

Bolani qayerda choʻmiltirish lozim?

Bolani imkon qadar oʻzini qulay his qiladigan joyda choʻmiltirish lozim. Dastlabki bir haftalik chaqaloq uchun plastik idish juda yaxshi choʻmilish vositasi boʻla oladi.

Farzandingizni issiq, xavfsiz va albatta toza muhitda choʻmiltirishingiz talab etiladi. Imkon qadar suvning haroratiga e’tibor qiling: Suv issiq ham, sovuq ham boʻlmasligi lozim.

Bolani choʻmiltirish borasida bir nechta maslahatlar

Bola aynan qaysi vaqtda choʻmilishga tayyorligi borasidagi maslahatlarga diqqatli boʻling:

Farzandingiz choʻmilayotganida unga va sizga halal beruvchi narsalar masalan, telefon va shunga oʻxshash barcha narsalarni oʻzingizdan uzoq tuting.
Sizga kerak boʻluvchi buyumlar yoningizda ekanligiga ishonch hosil qiling: terini yumshatuvchi foydali kremlar, sochiq va boshqalar.
Bu vaqtda sovunni ishlatishdan saqlaning. Chaqaloqning terisi hali nozik boʻlganligi sababli, bola terisini tez quritib yuborishi mumkin. Sovunning oʻrniga bolalar uchun maxsus malhamlar foydalaning.
Bolaga qulaylik yaratib beruvchi choʻmilish vositalaridan foydalansangiz ham siz uchun ham bola uchun yaxshi boʻladi.
Bolani yoshlikdan suvga oʻrganishi va yoqtirib qolishi uchun suvning haroratiga e’tibor berishingiz talab etiladi. Suvning oʻrtacha harorati 37-38° C bo’lishini tekshiring.
Cho’miltirishni boshlashdan oldin qoʻlingizdagi turli zeb-ziynat mahsulotlarini masalan, uzuk, bilakuzuk, soat kabilarni albatta yechib qoʻying.
Boshlanishiga quyilgan tayyor suvda choʻmiltiring. Ya’ni cho’miltirish mobaynida uning ustidan aslo suv quymang. Seskanib ketishi va natijada suvdan qoʻrqib qolishi mumkin. Asta sekin suvga ham oʻrgatib olasiz.

Bolani toʻgʻri choʻmiltirishni bosqichma bosqich olib borish

Farzandingizni yechintirishdan oldin qovoqlarini iliq suvga botirilgan paxta bilan artib oling. Ehtiyotkorlik talab etiladi: bolaning koʻzi, qulogʻi va burniga suv kirishidan ehtiyot boʻlishingiz kerak.
Bolani yechintirgach, bir qoʻlingizda uni boshi va yelkasini tutib, ikkinchi qoʻlingiz bilan esa uni yuvintirishingiz lozim.
Bolani suvga asta-sekinlik bilan tushiring: avval oyoqlarini, keyin qolgan tanasini.
Bolaning ilk bor suvga oʻrganib borishi asosan sovun-shampunsiz oʻtishi kerak.
Bolani zinhor oʻzini qoldira koʻrmang. Sayoz suvda ham choʻkishi ehtimoli mavjud.

Choʻmiltirib boʻlgach bolani quritish va kiyintirish haqida

Choʻmiltirib boʻlgach, bolani sochiq bilan yaxshilab arting. Tanasida namlik qolmasligi kerak.
Shuningdek, bolaning baʼzi tana qismlarini yaxshi qurigani ishonch hosil qiling: bolaning qoʻltiq osti, jag’ining pastki qismi, va quloq sohasini.
Agar farzandingiz terisi quruqlashganini payqasangiz, yumshatuvchi krem yoki malhamlar surtishni unutmang.
Chaqaloq terisida toshmalar paydo boʻlgan boʻlsa, bu uchun ham maxsus malhamlardan foydalanishingiz mumkin.
Farzandingizni tartibli kiyintiring.

Iloji boricha bolaning suvdan rohatlanib choʻmilishini ta’minlang. Bunda qoʻshimcha yordam olish maqsadga muvofiq. Avvaliga, har qanday bola suvdan qoʻrqishi mumkin. Ammo sizning qilayotgan xatti-harakatlaringiz uni suvga moslashtirib boradi.

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi