Otasining to’g’ri yo’lga qaytishiga sababchi bo’lgan bola

Juda yaxshi bir bolaning otasi tinmay aroq ichar, uyida janjal qilardi. Oʻgʻli ilm olib, yaxshi odam boʻlsin, deb onasi ustozlarnikiga yuborsa, u yerdan ham qaytarib olib kelardi. Bola nima qilishini bilmay hayron, otasini ham ustozlarni, olimlarni yaxshi ko’rishini chin dildan istar edi.

Bola bir kuni kechasi uygʻonib ketdi. Otasini o’yladi va: “Ey Xudo, otamga insof ber. Ichmasin, uyda janjal qilmasin. Oʻzi ilm olmasa ham, meni ustozlardan bebahra qilmasin”, deb yigʻlab duo qildi. Otasi buni eshitib turardi. Juda ta’sirlandi va: «Oʻgʻlim meni oʻylab tursa-yu, men uning yoʻlini toʻsyapman. Uning aqli yetgan narsaga meniki yetmadimi?» dedi va ho’ngrab yigʻladi. Shundan so’ng ichkilikni tashladi, oʻgʻlini oʻzi darsga olib boradigan boʻldi.

Saboq: inson ustozlarni, yaxshi kishilarni e’zozlashi lozim. Ota farzandiga, oilasidagilarga ozor bermasligi, farzandlar esa otaning qiladigan ishlariga sabr qilishlari, uning yaxshi ishlarga bosh-qosh boʻlishini so’rashlari kerak. Yaxshi niyat bilan ishlar amalga oshadi. Farzand har doim ota-onasining haqqiga duo qilishi ularning xizmatida bo’lishi darkor.

«365 kunga 365 ibratli hikoya» kitobidan

Farzand tarbiyasiga oid bo’lgan eng yaxshi tavsiyalar jamlangan dasturni yuklab oling.

Linkni bosing: 👉 Farzandim dasturi